“Düşmən uduzduqca, bu taktikaya əl atacaq...” – Erməni hiyləsi

“Qarabağdakı ermənilər elə davranırlar ki, guya torpaqları onlar ələ keçiriblər - nə Rusiya, nə də Ermənistan nələrin baş verdiyini bilmir”.

Teleqraf.com xəbər verir ki, bunu politoloq Ərəstun Oruclu deyib.

Ekspert ermənilərin uduzduqca, Azərbaycana qarşı hiyləgər yalanlarını işə salacaqlarını bildirib:

“Bir Qarabağ ermənisinin bütün dünya ermənilərinə video-mesajını izlədim. Təbii ki, kömək istəyirdi. Halbuki öz əlləri dirsəklərinə qədər soydaşlarımızın qanına batıb. İnsanlarda mərhəmət oyatmaq üçün hazırlanmış tipik erməni davranışıdır. Təəccüblüdür ki, son 27 ildə onlar heç bu qədər depressiyalı görünməyiblər.

Qələbələrindən ucadan danışdılar, təhqir etdilər, alçaltmağa çalışdılar, adlar çəkdilər, özlərini “cəsur qaliblər” kimi göstərmək üçün hər şeyi etdilər. Üstəlik, yeni torpaqları ələ keçirməklə hədələdilər. Bütün bunlar da yalnız bir neçə ay əvvəl idi.

İndi də bir siçan kimi kameranın qarşısında oturur və mərhəmət oyatmağa çalışır. Ermənistanda onların başa düşülməməsindən şikayətlənir. Qəribədir, deyilmi? Guya torpaqları onlar ələ keçiriblər - nə Rusiya, nə də Ermənistan Qarabağda nələrin baş verdiyini bilmir. Bəs bu nə üçündür? Çünki düşmən uduzub, dərhal maska dəyişməyə başlayıb, “şiddətə” və “haqsızlığa” məruz qalan bir “məzlum” görünüşünü alır, bu səbəbdən də kömək diləyir. Amma tezliklə dünyanın gözləri qarşısında başqa bir maska ​​taxacaqlar. Bizim zəif yerimizdən - mərhəmətimizdən istifadə etmək, özlərini bağışlatmaq üçün hazırlanmış bir maska…

Köhnə nağıllar başlayacaq ki, müdafiəsiz soydaşlarımıza qarşı bütün bu cinayətləri guya Qarabağda yaşayanlar deyil, xaricdən və Ermənistandan gələn muzdlular və daşnaklar törədiblər. “Əsrlər boyu sülh, sevgi və qarşılıqlı inam içində yaşadığımızdan” danışacaqlar.

Ancaq ən dəhşətlisi budur ki, aramızda təkcə buna inananlar deyil, hətta bu məkrli, geniş yalanı dəstəkləyənlər də olacaq. Ancaq çox uzaq deyil, sözün əsl mənasında 30 ildən sonra hər şey yenidən başlayacaq. Buna görə də, bu nağılları dəstəkləyənləri dərhal susdurmasaq, yenə uduzacağıq, yenə millətin ən yaxşı gənclərini itirəcəyik, yenə torpaqlarımızda qaçqın deyil, həm də səhv tərəf olacağıq. Buna görə bütün bunların bir daha təkrarlanmaması üçün yaxşı düşünməliyik. Bu gün kiçik görünən bir səhvi etsək, sabah bizi nəyin gözlədiyini düşünün. Axı biz bundan əvvəl də dəfələrlə bu yoldan keçmişik”.