Parlamentlərarası İttifaqın İdarəedici Şurasının iclası oldu

24-25 may tarixlərində Parlamentlərarası İttifaqın 142-ci virtual Assambleyasının İdarəedici Şurasının iclası keçirilib.

Teleqraf.com parlamentin mətbuat və ictimaiyyətlə əlaqələr şöbəsinə istinadən xəbər verir ki, onlayn iclasa Milli Məclisin deputatları, PAİ İdarəedici Şurasının üzvləri -Kamran Bayramov, Nigar Arpadarai və Tural Gəncəliyev qatılıblar.

İclasda Assambleyanın və Daimi Komitənin virtual sessiyalar prosedurunun xüsusi qaydalarının təsdiq edilməsi, İdarəedici Şuranın 206-cı sessiyasının işi haqqında qısa hesabatların təsdiqlənməsi, PAİ-nin 2020-ci ilə dair fəaliyyətinin nəticələri haqqında illik məruzə, 2020-ci ilə dair maliyyə nəticələri, PAİ-nin 2022-2026-ci illər üçün nəzərdə tutulan strategiyasıvə bir sıra təşkilati məsələlərə baxılaraq müvafiq qərarlar qəbul edilib.