24 İyun 2021 22:52
247
12 Punto 14 Punto 16 Punto 18 Punto

Qırğızıstanın xarici işlər naziri Ruslan Kazakbayev Azərbaycanın Qırğızıstan Respublikasındakı fövqəladə və səlahiyyətli səfiri Hidayət Orucovu qəbul edib.

Teleqraf.com xəbər verir ki, görüş zamanı tərəflər ikitərəfli münasibətlərin yüksək səviyyədə olduğunu qeyd ediblər.

"Qırğızıstan-Azərbaycan əməkdaşlığının aktual məsələləri barədə fikir mübadiləsi aparıldı, nazir R. Kazakbayevin Azərbaycana gözlənilən səfəri də daxil olmaqla yüksək səviyyələrdə təmasların cədvəli müzakirə edildi", - məlumatda deyilir.

Qeyd olundu ki, tərəflər siyasi, diplomatik, iqtisadi-ticarət, sosial, humanitar və digər sahələrdə aktiv praktik qarşılıqlı əlaqələri davam etdirməyə hazır olduqlarını bildirdilər.


Müəllif: Teleqraf.com