Gələn ilin dövlət büdcəsi III oxunuşda qəbul edildi

“2022-ci ilin dövlət büdcəsi Milli Məclisdə əhatəli və intensev formada müzakirə edilib. Deputatlar onları maraqlandıran məsələləri gündəmə gətiriblər. I və II oxunuş müzakirələri zamanı növbəti ilin büdcə layhəsini dəstəkləyiblər”.

Teleqraf.com xəbər verir ki, bunu gələn ilin büdcəsinin göstəricilərini plenar iclasa təqdim edən İqtisadi siyasət, sənaye və sahibkarlıq komitəsinin sədri Tahir Mirkişili deyib.

Koitə sədri bildirib ki, gələn il Azərbaycanın dövlət büdcəsinin gəlirlərinin 26 816 milyon manat, xərclərinin isə 29 879 milyon manat olacağı gözlənilir. Bunlar 2021-ci ilin təsdiq edilmiş proqnozları ilə müqayisədə müvafiq olaraq 5,4% və 4,7% çoxdur. Son nəticədə büdcədə 3 063 milyon manat kəsir yaranacaq ki, bu da illik müqayisədə 1,7% azalma deməkdir.