Putin Səmərqənddə Əliyev və Ərdoğanla görüşəcək

Bu gün Rusiya Prezidenti Vladimir Putin Özbəkistan Respublikasının Səmərqənd şəhərində keçirilən Şanxay Əməkdaşlıq Təşkilatının dövlət başçılarının Zirvə görüşü çərçivəsində Azərbaycan Respublikasının Prezidenti İlham Əliyev və Türkiyə Respublikasının Prezidenti Rəcəb Tayyib Ərdoğan ilə görüşəcək.

Teleqraf.com Rusiya KİV-nə istinadla xəbər verir ki, Putinin Rəcəb Tayyib Ərdoğanla görüşündə qlobal və regional problemlər, Ukraynakı vəziyyət, “taxıl sövdələşməsi”nin həyata keçirilməsi, Suriya və Qafqazda sülh və sabitliyin təmin edilməsi üçün səylərin əlaqələndirilməsi mövzusunda müzakirələrin qpqrılacağı planlaşdırılır.

Putin xarici ölkə liderləri ilə bir sıra ikitərəfli görüşləri Azərbaycan Prezidenti İlham Əliyevlə danışıqlarla yekunlaşdıracaq. Görüş Ermənistanın hərbi təxribatı və bölgədə yaşanan son gərginliklər fonunda olacaq.