Rusiya, Azərbaycan və Ermənistan liderləri görüşə bilər

Rusiyada Azərbaycan və Ermənistan liderlərinin görüşü keçirilə bilər.

Teleqraf.com xəbər verir ki, bu barədə “Vedomosti” qəzeti məlumat yayıb.

Diplomatik mənbədən verilən məlumata görə, Vladimir Putinin iştirakı ilə keçiriləcək üçtərəfli görüşün təşkilinə hazırlıq gedir.

Danışıqların oktyabrın sonunda keçiriləcəyi qeyd olunur.

“Çox güman ki, danışıqlar Soçidə keçiriləcək”, - deyə “Vedomosti” nəşri yazıb.

Qeyd edək ki, Rusiya Prezidenti Vladimir Putin oktyabrın 25-də Soçidə Valday Diskussiya Klubunun plenar iclasında iştirak edəcək.