“Azərbaycan danışıqlara hər zaman hazır olub”

“Azərbaycan Rusiyada və digər platformalarda Ermənistanla danışıqlara hər zaman hazır olub”.

Teleqraf.com xəbər verir ki, bunu TASS-a açıqlamasında Azərbaycan Xarici İşlər Nazirliyinin mətbuat katibi Ayxan Hacızadə deyib.

Qeyd edək ki, Rusiya XİN-in rəsmi nümayəndəsi Mariya Zaxarova bu gün keçirdiyi brifinqdə Rusiyanın Ermənistanla Azərbaycan nümayəndələri arasında danışıqlar üçün platforma təqdim etməyə hazır olduğunu bildirib. O, həmçinin ölkəsinin tərəflərə danışıqlar üçün maksimum rahat şərait yaratmağa hazır olduğunu bəyan edib.