Alimlər narahatdır: Peyvəndin elə bir cəhəti var ki...

Almaniyanın “Biontech SE” şirkətinin hazırladığı koronovirus peyvəndinin klinik sınaq mərhələsi uğurla başa çatıb. 43 mindən çox könüllü üzərində aparılan sınaq mərhələsi 90 faiz şəxsə effektli təsir göstərib. Peyvənd tədqiqatlarının son mərhələsi haqqında yaxın aylarda məlumat veriləcəyi qeyd olunub.

Teleqraf.com-un məlumatına görə, bu barədə ABŞ-ın əczaçılıq şirkəti “Pfizer” açıqlama yayıb.

Peyvənd ABŞ Qida və Dərman İdarəsi (FDA) tərəfindən təcili istifadə təsdiqini alacaq. İlk mərhələdə səhiyyə işçiləri və qocalar evlərində yaşayan insanlar peyvənd olunacaqlar.

Elm adamları peyvəndin kompleks və super soyuq saxlama tələblərinin pandemiyaya qarşı qlobal mübarizə üçün böyük bir maneə yaratdığından narahat olduqlarını dilə gətiriblər.

Peyvənd virusa qarşı immunitet sistemini aktivləşdirmək üçün sintetik RNA istifadə edən yeni bir texnologiyaya əsaslanır. Peyvənd üzərində çalışan mütəxəssis Ameş Dalica bildirib ki, peyvəndin ən böyük qüsuru onun mənfi 70 dərəcə selsi (-94 F) və ya daha aşağı temperaturda saxlamaq zərurətidir: “Soyuq temperatur peyvəndin tətbiqinin ən çətin tərəflərindən biri olacaq. Bu, bütün şəhərlərdə çətinlik yaradacaq. Çünki böyük şəhərlərdəki xəstəxanalar bu peyvəndi saxlamaq üçün anbarlara sahib deyil".

Buz əlavə edilərək dondurulmuş peyvənd şüşələri 10 gün ərzində quru və hava yolu ilə daşınacaq. Daşınma zamanı buzun daim yenilənməsi vacibdir. Peyvəndin xəstəxanalarda geniş istifadə olunan 2 və ya -8 dərəcə arasında soyudulmasını təmin edən anbarlarda 5 gün saxlanıla bilər.

Elm adamlarının fikrincə, dünya miqyasında yeni tip koronavirusa qalib gəlmək üçün dünyada ən azı 10 milyard doza peyvənd paylanmalıdır.

“Pfizer”əczaçılıq şirkəti 2021-ci ilin sonuna qədər 1,3 milyard doza peyvənd istehsal etməyi hədəflədiyib. Peyvəndin bütün dünyaya çatması üçün 3-4 il lazım olduğu təxmin edilir.