Ağdaşda seçici fəallığı 57,9 faiz olub

Bu gün 90 saylı Ağdaş seçki dairəsi üzrə Milli Məclisə keçirilən təkrar seçkilərdə yekun seçici fəallığı açıqlanıb.

Trend-in məlumatına görə, Mərkəzi Seçki Komissiyası Katibliyinin İnformasiya Mərkəzinin müdiri Fərid Orucov bildirib ki, 90 saylı Ağdaş seçki dairəsi üzrə Milli Məclisə keçirilən təkrar seçkilərdə seçici fəallığı 57,9 faiz olub.

Beləliklə, bu dairə üzrə qeydiyyatda olan 40203 seçicidən 23292 seçici səs verib.