3 addımla, 3 iş günündə... - “ASAN Viza” portalı tam istifadəyə verildi

Ötən ilin yanvar 10-dan etibarən “ASAN Viza” portalı (www.evisa.gov.az) test rejimindən çıxaraq tam istifadəyə verilib.

ASAN-dan Teleqraf.com-a verilən məlumata görə, bu günə kimi “ASAN Viza” portalından 500-ə yaxın əcnəbi və vətəndaşlığı olmayan şəxs elektron viza əldə edib.

Xatırladaq ki, 16 dekabr 2016-cı il tarixində “ASAN Viza” portalının təqdimat mərasimi keçirilib. Əcnəbilər və vətəndaşlığı olmayan şəxslər elektron vizanı “ASAN Viza” sistemi vasitəsi ilə 3 addımla (müraciət et, ödəniş et və e-vizanı yüklə) və 3 iş günü ərzində əldə edə bilər. Elektron viza üçün dövlət rüsumu 20 ABŞ dolları təşkil edir. Bu, ölkədə qalma müddəti 30 günədək müəyyən edilən birgirişli elektron vizadır.

İlhamə ƏBÜLFƏT