Bakıda yanğın: FHN-nin 6 maşını hadisə yerində - Yeniləndi

11:21

Bakıda yaşayış binasında yanğın baş verib.

Trend-in məlumatına görə, Yeni Yasamal, Əsəd Əhmədov küçəsində yerləşən "Şərur" yaşayış kompleksində mənzillərdən birində yanğın qeydə alınıb.

Hadisə yerinə 6 yanğınsöndürmə maşını cəlb olunub.

***

Bakıda binada yanğın olub, 23 nəfər təxliyyə olunub.

Fövqəladə Hallar Nazirliyinin (FHN) mətbuat xidmətindən Teleqraf.com-a verilən məlumata görə, Bakı şəhəri, Yasamal rayonunda çoxmərtəbəli yaşayış binasının şaxtasının 2-ci mərtəbəsindən 18-ci mərtəbəsinə qədər 54 p.m elektrik kabeli yanıb. Yanğın zamanı yanğınsöndürənlər tərəfindən 23 nəfər bina sakini təxliyyə olunub.

Mənzillər yanğından mühafizə edilib.

Yanğın saat 10:46-da yanğınsöndürənlər tərəfindən söndürülüb.