Müdafiə Nazirliyinin saytı “Google”nin xəbər servisinə qoşuldu

Azərbaycan Müdafiə Nazirliyinin rəsmi internet saytı “Google”nin xəbər servisinə qoşulub.

Teleqraf.com-un məlumatına görə, bu gün “Google”nin xəbər servisində ilk dəfə olaraq birinci mənbə – yəni Müdafiə Nazirliyinin saytı göstərilməklə və keçid verilməklə xəbər yer aıb. “Google” Müdafiə Nazirliyinin saytının ingilis dili bölümündəki xəbəri servis edib.

Qeyd edək ki, hazırda Azərbaycanın dövlət qurumlarından bir neçəsinin rəsmi saytı “Google”nin xəbər servisinə bağlıdır. Müdafiə Nazirliyinin rəsmi internet saytı 2012-ci ildən fəaliyyət göstərir.