İlham Əliyev gürcüstanlı həmkarına başsağlığı verdi

Azərbaycan prezidenti İlham Əliyev Gürcüstan prezidenti Giorgi Marqvelaşviliyə başsağlığı məktubu göndərib.

Teleqraf.com məlumatına görə, məktubda deyilir: "Hörmətli cənab Prezident!

Batumi şəhərində mehmanxanada baş vermiş yanğın nəticəsində insan tələfatı və yaralananlar barədə xəbərdən son dərəcə kədərləndim.

Bu faciə ilə əlaqədar Sizə, həlak olanların ailələrinə və yaxınlarına, bütün Gürcüstan xalqına öz adımdan və Azərbaycan xalqı adından dərin hüznlə başsağlığı verir, yaralananlara şəfa diləyirəm".

Batumi şəhərində mehmanxanada baş vermiş yanğın nəticəsində 12 nəfər ölüb, xeyli insan yaralanıb.