Pambığın qiyməti qaldırılır - Rəsmi

Pambıq əkən fermerlərin məhsul istehsalına həvəsləndirilməsi və onların maddi rifahının daha da yüksəldilməsi məqsədilə pambığın növlər üzrə mövcud alış qiymətləri hər ton üçün 100-110 manat artırılıb.

Bu barədə Teleqraf.com-a Kənd Təsərrüfatı Nazirliyindən məlumat verilib.

Məlumata görə, 1 dekabr 2017-ci il tarixində Kənd Təsərrüfatı Nazirliyində İqtisadiyyat və Kənd Təsərrüfatı Nazirliklərinin rəhbərlərinin iştirakı ilə pambıq istehsalı və emalı ilə məşğul olan MKT İK MMC və CTS AQRO MMC-nin nümayəndələri ilə görüş keçirilib.

Görüşdə cari ildə görülən işlər, pambıq yığımının gedişi, tədarükü və emalı vəziyyəti, eləcə də qarşıya qoyulan hədəflərə nail olunması üçün 2018-ci ildə həyata keçirilməsi vacib olan məsələlər müzakirə edilib.

Nazirliyin qərarı ilə pambığın növlər üzrə qiyməti 2018-ci ildə aşağıdakı kimi müəyyənləşdirilib.