Azərbaycandan BMT sessiyasını kim işıqlandıracaq?

Birləşmiş Millətlər Təşkilatı (BMT) jurnalist müsabiqəsi elan edib.

Teleqraf.com xəbər verir ki, Daq Hammarskold Jurnalist Fondu (The Dag Hammarskjöld Fund for Journalists) radio, televiziya, eləcə də çap və onlayn mediada çalışan, yaşı 25-dən 35-ə kimi olan jurnalistlər üçün üç aylıq təcrübə proqramı ilə əlaqədar müsabiqə elan edib.

Təcrübə proqramı Nyu York şəhərində 2018-ci ilin sentyabr-noyabr aylarında baş tutacaq.

Seçilmiş jurnalistlər BMT-nin Baş Assambleyasının 73-cü sessiyasını işıqlandırmaq imkanı əldə edəcək. Müsabiqədə iştirak etmək istəyən jurnalistlər 2018-ci ilin martına qədər müraciət edə bilərlər.