Narahatlığa əsas yoxdur… – “Azərenerji”

Azərenerji ASC bu gün və sabah proqnozlaşdırılan qeyri-sabit hava şəraitinə hazırdır.

Teleqraf.com xəbər verir ki, bunu qurumun İctimaiyyətlə əlaqələr və mətbuat xidmətinin rəisi Yəhya Babanlı deyib.

Onun sözlərinə görə, təmsil etdiyi qurumda bunun üçün operativ heyət fəaliyyət göstərir: "Təbii hadisələrdən birmənalı sığortalandığımızı desək, yalnışlıq olar. Amma qabaqlayıcı tədbirlərin görülməsi vacibdir və görülüb. Əgər sistemdə hər hansı neqativ hadisə baş verərsə, operativ heyət bunun aradan qaldırılmasına hazırdır.

Onu da qeyd edim ki, ölkə enerji sisteminin təhlükəsizliyi tam təmin edilib və elektroenergetika sahəsi son illər həyata keçirilən tədbirlər nəticəsində dayanıqlı səviyyəyə gətirilib. Buna görə də narahat olmağa ehtiyac yoxdur".