Kişilər hansı tip qadınların xəyalı ilə yaşayır?

Teleqraf.com tabloid.az-a istinadən kişilərin xəyalı ilə yaşadığı qadın tipləri haqqında maraqlı məlumatı təqdim edir:

Qadın söyüş söyməz. Kişilərin nəzərində əsl qadın qətiyyən ağır söyüşlərdən istifadə etməməlidir. Hətta ən çətin və çıxılmaz vəziyyətlərdə belə... Onlar qadınların bu cür sözləri ancaq beyninin içində deməsini arzulayır.

Xanım hündürdaban ayaqqabı geyinər. Əsl xanım nə idman ayaqqabısı, nə çəkmə, nə baletka, nə səndəl, nə də uqqi geyinər. Əsl xanım ancaq dikdaban ayaqqabılarda gəzməlidir.

Qızların saçı uzun olmalıdır. Kişilər sevdiyi xanımın saçları arasında itib orada özünə ayrı bir dünya qurmaq istəyər. Həm də uzun saçlı xanımlar daha seksual görünür. Əgər bir qadın saçını kəsirsə, ancaq korlandığı üçün edir. Yoxsa, qətiyyən saçını kəsdirməyə əli gəlməz.

Qadınlar əlinə çəkic almaz. Əsl qadın avtomobili park etmək üçün, hətta ən asan məsələlərdə belə kişilərin köməyinə ehtiyac duyur. Qadınlar usta tələb edən işlərdə o qədər də bacarıqlı deyil.

Ev işlərindən başı çıxmalı və dadlı yemək bişirməyi bacarmalıdır. Bu, əsl xanımların ruhunda olmalıdır. Evə məsrəf eləmədən alış-veriş etməyi bacarmalıdır. Qonaq gələndə 30 dəqiqə ərzində tez bazar dadlı yemək hazırlamalıdır. Özü də bunları canla-başla etməlidir. Bir sözlə, əlindən evdarlıq da gəlməlidir.

Saqid olmalıdır. Əsl xanım sevdiyi kişi ona nə qədər xəyanət etsə də, onu sadiq olmalıdır. Yuvasını qorumaq üçün evdə oturub sevdiyi kişini gözləməlidir.

Bax kişilər xəyallarında bu tip qadınları arzulayır...