Ali məktəblərin boş qalan yerlərinə qeydiyyatı başa çatdı

Azərbaycanın ali təhsil müəssisələrinin boş qalan plan yerlərinə qəbul olan abituriyentlərin qeydiyyatı başa çatıb.

Teleqraf.com xəbər verir ki, qeydiyyat sentyabrın 2-si saat 17:00-dək davam edib.

Ali məktəblərin boş qalan yerlərinə qəbul olunan abituriyentlər sənədlərini daxil olduqları təhsil müəssisəsinə təqdim etməklə qeydiyyatdan keçiblər.

Abituriyentin təhsil müəssisəsində qeydiyyatdan keçməməsi onun yerləşdirildiyi ixtisas üzrə təhsil almaqdan imtina etməsi kimi qiymətləndirilir.