“Azercell”dən xaricdə olan vətəndaşlarımıza böyük jest

“Azercell” şirkəti hazırda Azərbaycanla nəqliyyat əlaqələri məhdudlaşdırılmış ölkələrdə olan və rominq xidmətindən istifadə edən abunəçilərin balansına ailələri və yaxınları ilə rabitə əlaqəsini təmin etmək məqsədilə 50 manat məbləğində pul vəsaiti yükləmişdir.

Teleqraf.com xəbər verir ki, həmçinin mart ayının 17-dən etibarən mobil operator bütün müştəriləri üçün Tibbi Sığorta üzrə Dövlət Agentliyinin nəzdində fəaliyyət göstərən Tibbi Ərazi Bölmələrini İdarəetmə Birliyinin (Təbib) "Qaynar xətt"inə (1542) zənglərin ödənişsiz olmasını təmin edib.