Nazirlik millət vəkilləri ilə onlayn forum keçirəcək - Gənclərlə iş

Gənclər və İdman Nazirliyinin gənclərlə iş şöbəsinin 2 onlayn iclası keçirilib.

Gənclər və İdman Nazirliyinin mətbuat katibi Səmayə Məmmədovanın Teleqraf.com-a verdiyi məlumata gprə, iclaslarda “2015-2025-ci illərdə Azərbaycan gənclərinin İnkişaf Strategiyası” və “Azərbaycan gəncliyi 2017-2021-ci illərdə” Dövlət Proqramının 2020-ci il üçün icrası müzakirə olunub.

Iclas zamanı karantin dövründə nazirliyin və onun yerli qurumlarının respublika səviyyəsində fəaliyyətinin onlyan formatda təşkili, intellektual inkişaf, asudə vaxtın səmərəli qurulması vasitəsilə gənclərə yeni bilik və bacarıqların verilməsi, gənclər üçün rəqəmsal məhsulların, eyni zamanda, müvafiq sahələr üzrə normativ-hüquqi sənədlərin təkmilləşdirilməsi və digər məsələlər diqqət mərkəzində olub .

11 aprel 2020-ci il tarixdə isə “Dünya və gənclər yeni şəraitdə” onlayn forumunun keçirilməsi qərara alınıb. Forumda müxtəlif gənclər qrupları ilə yanaşı, millət vəkillərinin və əlaqədar dövlət orqanlarının əməkdaşlarının da iştirakı planlaşdırılır.