FHN əməkdaşları Bakıda 33 yaşlı kişinin meyitini aşkarladı

Bakıda mənzildə kişi meyiti tapılıb.

Fövqəladə Hallar Nazirliyindən Teleqraf.com-a verilən məlumata görə, hadisə Nizami rayonunda qeydə alınıb.

Belə ki, nazirliyin "112" qaynar telefon xəttinə daxil olan məlumata əsasən, qeyd olunan ünvanda 1 nəfər mənzildə bağlı qapı arxasında köməksiz vəziyyətdə qalıb.

Hadisə yerinə cəlb olunan FHN-nin Xüsusi Riskli Xilasetmə Xidmətinin müvafiq xilasetmə qüvvələri mənzilin giriş qapısını açıb və orada aşkarlanan 1988-ci il təvəllüdlü Babayev Cavid Əlövsət oğlunun meyitini aidiyyəti üzrə təhvil veriblər.