Oteldə kütləvi zəhərlənmə

Monteneqronun turizm paytaxtı Budva şəhərindəki böyük oteldə kütləvi qida zəhərlənməsi qeydə alınıb.

Teleqraf.com xəbər verir ki, 96 əcnəbi turist yaşadıqları oteldə yeməkdən zəhərlənib və onlardan 30 nəfəri xəstəxanaya yerləşdirilib.

Hərtərəfli diaqnostika aparılıb və onlar yaxşı vəziyyətdə evə buraxılıblar.

Oteldə qalan Polşa, İtaliya və Xorvatiyadan olan turistlər gün ərzində kütləvi şəkildə Çetinye, Bar və Kotor şəhərlərində xəstəxanalara müraciət ediblər.