Həmyerlimizdən Rusiyadakı qədim türk yurduna dəstək - Foto

Dünyanın bir çox ölkələrində 1 sentyabr Bilik günü kimi qeyd olunur. Bu münasibətlə həmyerlimiz, Saxa Yakutiya Respublikasının Fəxri vətəndaşı, əməkdar inşaatçı və üçüncü çağırış Saxa (Yakut)Resublikası Parlamentinin –İl Tümenin deputatı Əliş Məmmədov seçildiyi Xanqalas əyalətinin məktəbliləri ilə görüşüb. O həmçinin 20 il bundan əvvəl Xanqalas rayounun Tit Arı kəndində tikdiyi məktəbdə də qonaq olub.

Tit Arı məktəbində bu il 43 şagird təhsil alacaq. Bu il isə birinci sinfə gedənlərin sayı 4 nəfərdir. Onlardan 3-ü qız, biri isə oğlandır.

Azərbaycanlı həmvətənimiz 1 sentyabr Bilik günü münasibəti ilə Tut Arı Kənd məktəbinin kollektivini tədris ili münasibəti ilə təbrik edib. Birinci sinifə gedən 4 şagirdə xüsusui hədiyyələr təqdim edib. Deputatın görüşünə gələn kənd sakinləri və məktəbdə oxuyan digər şagirdlər də hədiyyəsiz qalmayıb. İmkansız ailələrə yardım edilib.

Xanqalas rayonun Tit Arı kənd məktəbinin direktoru Elvira Petrovna Bilik günündə çıxış edərkən deyib ki, Əliş Zabit oğlu Məmmədov və onun rəhbəri olduğu “Yakutsement” İstehsalat Birliyi məktəbin hər zaman təzələnməsinə, müsairləşməsinə dəstək olub. O bu gün də bütün şagirdlərimizi sevindirməyi bacardı.

Saxa (Yakut) Respublikasının İl Tümenin deputatı Əliş Məmmədov deyir ki, Xanqalas Ulusu onun ilk əmək fəaliyyətinə başladığı yerdir. Bu ulusun tərkibində olan bütün əhalinin problemlərinin həll olunmasında, onların həyat şəraitinin yaxşılaşdırılmasında, kommunikasiya və yol problemlərinin həllində bir deputat kimi öz əməyini əsirgəmir. Elə buna görə də türk yurdu, Xanqalas Ulusunun sakinləri ona “Xanqalas ulusunun Fəxrı vətəndaşı” adı veriblər.