“Nar Mobile” yeni kampaniyaya başladı

“Nar Mobile” yeni kampaniyaya başlayıb. Şirkətdən Teleqraf.com-a bildirilib ki, kampaniyaya görə, bu il dekabrın 31-dək “İrshad Electronics” mağazalarından ilkin ödənişsiz smartfon alan hər bir kəs “Nar Mobile” mobil operatorundan bonuslar qazanacaq.

Hədiyyə paketinə alınmış smartfonun qiymətinin 50 faizdən artıq bir hissəsi dəyərində şəbəkədaxili danışıq dəqiqələri və həmin smartfonun qiymətindən asılı olaraq 250 meqabaytadək internet daxildir.Kampaniya çərçivəsindəki bonuslar yalnız “0” tarifi daxilində aktivdir və 6 ay ərzində verilir.

Eyni zamanda, səsli zənglər “0” tarifinə əsasən hesablanacaqdır. Bonusların aktiv olması üçün balans hər ay ən azı 5 manat artırılmalıdır. Bonusları yoxlamaq üçün *777#84#YES şifrəsini yığmaq və ya “1” yazıb 777 qısa nömrəsinə mesaj göndərmək olar.