Keçmişdən gələcəyə doğru

Azərbaycan Respublikasının Prezidenti yanında Gənclər Fondunun maliyyə dəstəyi, “Gənclərin Təhsil, Təlim, Peşə və İnkişaf Mərkəzi” İctimai Birliyinin təşkilatçılığı ilə “Keçmişdən gələcəyə” adlı müsabiqə və sərgi təşkil olunub.

Teleqraf.com-un məlumatına görə, müsabiqənin məqsədi Azərbaycanın tarixinə foto və rəsmlərlə nəzər salmaq, gənclərimizi maarifləndirmək və həvəsləndirməkdir.

Müsabiqə üçün 100-dən çox müəllifin 350-dən artıq əsəri təqdim edilib. Münsiflər heyəti tərəfindən seçilən 50-yə yaxın şəkil sərgidə nümayiş etdirilib.

Sonda müsabiqənin qaliblərinə və iştirakçılarına müvafiq olaraq diplomlar və sertifikatlar təqdim olunub.