Bir şagirdin təhsili üçün il ərzində 7 min manat xərclənir

Bu gün bir şagirdin təhsili üçün il ərzində 7 min manat xərclənir.

Teleqraf.com xəbər verir ki, bu sözləri Elm və təhsil naziri Emin Əmrullayev deyib.

"Bu da demək olar özəl təhsil müəssisəsi ilə eynidir. Amma nəticə aşağıdır. Bakıda ən böyük tutumu olan məktəbin bir şagirdi üçün bu rəqəm 600 manat, ucqar kənddə 30 min manatdır", - nazir bildirib.

Onun sözlərinə görə, bu, paylanma baxımından doğru deyil: "Dövlət vəsaitindən daha səmərəli, nəticəyönümlü xərclənməsi istiqamətində rasionallaşdırma tədbirlərini davam etdirəcəyik".