Prezident seçkiləri: Saat 12:00-dək 38,57 faiz seçici səs verdi

Azərbaycanda növbədənkənar prezident seçkilərində seçici fəallığının saat 12:00-a olan nəticələri məlum olub.

Teleqraf.com xəbər verir ki, bu barədə Mərkəzi Seçki Komissiyası Katibliyinin İnformasiya Mərkəzinin müdiri Fərid Orucov məlumat verib.

O bildirib ki, növbədənkənar prezident seçkilərində respublika üzrə seçici fəallığı 38,57 faizdir. Ümumilikdə 2.499.033 nəfər səs verib.

***

Növbədənkənar Azərbaycan Prezidenti seçkiləri üzrə səsvermədə saat 10:00-a olan seçici fəallığı açıqlanıb.

Teleqraf.com xəbər verir ki, bu barədə MSK-nın katibliyinin İnformasiya Mərkəzinin müdiri Fərid Orucov MSK-nın Seçkilər İnformasiya Mərkəzində keçirdiyi mətbuat konfransında bildirib.

O qeyd edib ki,saat 10.00-a qədər respublika üzrə 1259371 nəfər səs verib. Seçici fəallığı 19,44 faiz olub.

Hesabat vermiş məntəqələrin sayı 6493-dür.