Ev yox, yaxşı maaş vermək lazımdır - Nazir

Gənc alimlərə ev verməkdənsə, onlara elə maaş vermək lazımdır ki, evi özləri ala bilsinlər.

Teleqraf.com xəbər verir ki, bunu elm və təhsil naziri Emin Əmrullayev AMEA-nın Ümumi yığıncağında deyib.

O bildirib ki, gənclərə səlahiyyət vermək daha önəmlidir: "Bizim məzunlarımız xaricdə təhsil alıb ölkəyə qayıtmağa başlayıblar. Amma geri qayıdıb nə edəcəklər? Geri qaytarıb onlara hansısa texniki işi gördürəcəyiksə, bu, lazım deyil, gənclərə müvafiq işlər verilməlidir. Onları ön sıralara çəkməliyik və bundan qorxmamalıyıq".