Bu problemləri dövlət strukturları yaradır - Deputat

Dövlət qulluğu ilə bağlı elə problemlər var ki, onu dövlət strukturları yaradır.

Teleqraf.com xəbər verir ki, bunu Milli Məclisin bu gün keçirilən iclasında deputat Fazil Mustafa deyib.

O qeyd edib ki, elə gənclərimiz var onlara problemlər yaradırlar: “Bütün imtahanlardan, müsahibə mərhələsindən keçmiş gənclərə əngəl olurlar. Yüzlərlə belə gəncimiz belə problemlər yaşayır. Biz onlara kömək olmalıyıq”.

Deputat bildirib ki, müsahibə mərhələsindən uğurla keçdiyi halda ondan zəif nəticəsi olanları işə qəbul edirlər: “Bu kimi xoşagəlməz məsələlərə son qoyulmalıdır. Bu adamlar dövlətə xidmət etmək üçün qulluğa girirlər. Ona görə də, bu məsələyə elə bu kontekstdən yanaşmaq lazımdır”.