Ağ Ev İlon Maskla Putinin əlaqəsini şərh etdi

ABŞ administrasiyasında amerikalı iş adamı İlon Maskın Rusiya prezidenti Vladimir Putinlə əlaqələri barədə məlumat təsdiqləməyib.

Teleqraf.com xəbər verir ki, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi məlumat verib.

“The Wall Street Journal-ın (WSJ) nəşrində yazılanları oxudum. Mən bu məlumatların doğruluğunu təsdiq edə bilmərəm”, - deyə rəsmi bildirib. O, həmçinin müvafiq sualı verən jurnalistə Maskla birbaşa əlaqə saxlamağı tövsiyə edib.