İranı hədələdilər: “Bir daha səhv eləsəniz...”

Əgər İran vəziyyəti daha da gərginləşməklə səhv etsə, İsrail buna adekvat cavab verəcək.

Teleqraf.com xəbər verir ki, bu barədə İsrail Müdafiə Qüvvələrinin açıqlamasında deyilir.

Bəyanatda bildirilir ki, İsrailin İrana cavab hücumları hələlik yekunlaşıb:

“Biz İrandakı hərbi obyektlərə məqsədyönlü və dəqiq zərbələr endirərək, İsrail dövlətinə qarşı təcili təhdidlərin qarşısını aldıq. İsrail Müdafiə Qüvvələri öz missiyasını yerinə yetirib.

Əgər İrandakı rejim eskalasiyanın yeni raunduna başlamaqla səhvə yol versə, cavab verməyə borclu olacağıq”.