Avtobuslar zolağa daxil olan maşınları çəkəcək

Avtobuslar onun üçün ayrılan zolağa daxil olan avtomobilləri müşahidə kamerası ilə çəkəcək.

Verilən məlumata görə, avtobuslar texniki avadanlıqlara təchiz olunacaqlar. Daxili İşlər, Rəqəmsal İnkişaf və Rabitə nazirlikləri birgə avtobuslarda pilot qaydasında müşahidə və nömrətanıma sistemləri quraşdırır.

Bununla yanaşı, DİN tərəfindən seçilmiş stasionar nöqtələr müvafiq avadanlıqlarla təchiz edilir. Yeni sistemin qurulmasında məqsəd şəhər sakinlərinin ictimai nəqliyyatda fasiləsiz hərəkətini təmin etməkdir.