Vətəndaşları aldadan dələduza 8 il cəza verildi

Bu gün Bakı Ağır Cinayətlər Məhkəməsində dələduzluqda təqsirləndirilən Natiq Eminovun cinayət işi üzrə proses başa çatıb.

Teleqraf.com xəbər verir ki, hakim Ramella Allahverdiyevanın sədrliyi ilə keçən prosesdə hökm oxunub.

Natiq Eminov 8 il azadlıqdan məhrum edilib.

Natiq Eminov bir neçə vətəndaşın etimadından sui-istifadə hesabına dələduqluq etməkdə təqsirli bilinib. O, Cinayət Məcəlləsinin 178.3.2-ci (dələduzluq, külli miqdarda törədildikdə) maddəsi ilə ittiham olunub.

Hacı Zeynalov