Lerikdə bağça tərbiyəçisinə şər atıblarmış – RƏSMİ

Daxili İşlər Nazirliyi Lerik rayonunda baş verən hadisə ilə bağlı açıqlama yayıb.

Teleqraf.com xəbər verir ki, noyabrın 12-də Lerik şəhər sakini Sənay Nəhmətova rayon polis şöbəsinə müraciət edərək işlədiyi uşaq bağçasında tərbiyə alan 4 yaşlı Xədicə Əzizovanın qulağından aldığı xəsarətlə bağlı uşağın atası Kamal tərəfindən əsassız günahlandırıldığını, bununla əlaqədar noyabrın 11-də sonuncu şəxs tərəfindən sosial şəbəkəyə videogörüntü yerləşdirildiyini bildirib.

Lerik rayon polis şöbəsi tərəfindən aparılmış araşdırmalar zamanı Xədicənin 2015-ci ilin sentyabr ayında yaşadığı evdə ehtiyatsızlıqdan yıxılaraq xəsarət aldığı, qonşuları Eldəniz Quliyevin isə cari il noyabrın 11-də Kamalın ruhi xəstə olmasından istifadə edərək ona pul verəcəyini vəd etməklə Sənay Nəhmətovaya şər atması ilə bağlı sözügedən videogörüntünü çəkib sosial yerləşdirdiyi müəyyən edilib.

Faktla bağlı araşdırma aparılır.

Hacı Zeynalov