Mağazadan və gözəllik salonundan oğurluq edildi

Mingəçevir şəhərində mağazadan oğurluq edilib.

Teleqraf.com xəbər verir ki, şəhər ərazisindəki mağazalardan birindən pul və tütün məmulatı oğurlanması barədə polis şöbəsinə məlumat daxil olub.

Polis əməkdaşları tərəfindən keçirilən əməliyyat zamanı oğurluğu törətməkdə bilinən şəhər sakini Rövşən Səfiyev və Şirvan şəhər sakini Surxay Seyfullayev tutulublar.

Onların şəhər ərazisində gözəllik salonlarından birindən qızıl üzük, fotoaparat və səsgücləndirici oğurlamaları da müəyyən edilib.

Hacı Zeynalov