20 qadın narkotiklə həbs edildi – Rəsmi

Bu il narkotiklə bağlı keçirilən əməliyyat nəticəsində 20 qadın həbs edilib.

Bu barədə Teleqraf.com-a Daxili İşlər Nazirliyinin Baş Əməliyyat və Statistik İnformasiya İdarəsindən məlumat verilib.

Məlumata görə, bu ilin narkotiklərlə əlaqədar 1608 cinayət, o cümlədən satışı ilə bağlı 435 fakt müəyyən edilib, 82 nəfərdən ibarət 34 cinayətkar qrup zərərsizləşdirilib.

Qanunsuz dövriyyədən 603 kiloqramdan çox narkotik vasitə çıxarılıb.

Bu cinayətlərə görə məsuliyyətə cəlb olunmuş 1302 nəfərdən 1167-i əmək qabiliyyətli işləməyən və oxumayan, 513-ü əvvəllər cinayət törətmiş şəxs, 20-si qadınlardır.