İki dostun istirahət cinayəti – Təfərrüat

Yasamal rayonunda oğurluq baş verib.

Teleqraf.com xəbər verir ki, Bakı şəhər sakini Eldar Qurbanovun “VAZ-2107” markalı avtomobili qaçırılıb.

Daxili İşlər Nazirliyi Təhlükəsiz Şəhər Xidmətinin əməkdaşları qaçırılan avtomobilin Quba rayonu Qırız Dəhnə kəndində olduğunu müəyyən ediblər.

Keçirilən əməliyyat tədbirlərilə hadisəni törətməkdə şübhəli bilinən paytaxt sakini Anar Musayev və Ağsu rayon sakini Sərxan Hüseynov tutulub. Sərxan Hüseynovun əvvəllər məhkum olunduğu üzə çıxıb.

İki dost avtomobili oğurlamaq niyyəti ilə qaçırmadıqlarını, onunla Qubaya istirahətə getdiklərini, törətdikləri əməldən peşman olduqlarını bildiriblər.

Faktla bağlı cinayət işi başlanıb.