Yeniyetmələrdən ibarət iki qrup zərərsizləşdirildi

Bakının Nəsimi rayonunda yeniyetmələrdən ibarət mütəşəkkil dəstə zərərsizləşdirilib.

Teleqraf.com xəbər verir ki, Nəsimi rayon Polis İdarəsi 20-ci polis bölməsi əməkdaşlarının əməliyyat-axtarış tədbirləri nəticəsində oğurluqda şübhəli bilinən 4 yeniyetmə saxlanılıb.

Onlar noyabrın 13-də rayon ərazisindəki mağazaların birindən 32 manat, 2 mobil telefon və səsgücləndirici oğurlamaqda şübhəli biliniblər.

Bundan başqa, Xəzər rayon Polis İdarəsinin 2-ci polis bölməsi əməkdaşlarının keçirdikləri əməliyyat-axtarış tədbirləri nəticəsində oğurluqda şübhəli bilinən 2 yeniyetmə saxlanılıb.

Onlar noyabrın 4-dən 14-dək olan müddətdə Xəzər rayonunun Binə qəsəbəsində tikintisi başa çatmamış evlərin birindən 300 metr elektrik naqilini oğurlaqmada təqsirli biliniblər.

Ətraflarında aparılan əməliyyat tədbirləri ilə onların noyabrın 9-10-da tikintisi başa çatmamış daha 2 evdən də elektrik naqilləri oğurlamaları müəyyən edilib.