Türkiyə vətəndaşı qadın tanışı tərəfindən qarət edildi - Bakıda

Bakının Xətai rayonunda oğurluq hadisəsi baş verib.

Teleqraf.com xəbər verir ki, rayonun S.Vəzirov küçəsində evlərdən birində kirayədə qalan Türkiyə vətəndaşı İbrahim Mustafaya qarşı cinayət törədilib.

Polisə müraciət edən Türkiyə vətəndaşı bildirib ki, onun evindən qızıl saatı və 2 mobil telefonu oğurlanıb.

Məlum olub ki, hadisə baş verən günü İbrahim Mustafa evinə qadın tanışını gətirib.Həmin qadın da onun evindən oğurluq edərək qaçıb.

Faktla bağlı araşdırma aparılır.