Gəncədə oğurluq: Ələ keçən hər şeyi apardılar

Gəncə şəhərində cinayət törədən şəxslərin tutulması üçün əməliyyat keçirilib.

Teleqraf.com xəbər verir ki, Kəpəz rayon Polis İdarəsi əməkdaşlarının əməliyyat-axtarış tədbirləri nəticəsində Gəncə şəhər sakinləri Xəlil Yusibov və Ramil Xasanov saxlanılıblar.

Onlar ötən il avqustun 7-dən cari il martın 10-dək olan müddətdə rayon ərazisindəki 2 avtomobildən akkumulyator, maqnitofon və səsgücləndirici, 1 limonad sexindən su mühərriki, 1 mağazadan pul, 8 evdən və həyətyanı sahələrdən su sayğacı, su mühərriki, inşaat materialları, təmir-tikinti alətləri, geyim və məişət əşyaları oğurlayıblar.