Bakının Nizami rayonunda quldurluq hadisəsi baş verib.
Teleqraf.com xəbər verir ki, rayon ərazisində şəxsiyyəti məlum olmayan bir nəfər Beyləqan rayon sakini Qızbəs Quliyevaya zor tətbiq edərək mobil telefonunu alıb.
Əlahiddə Çevik Polis Alayının əməkdaşları tərəfindən cinayəti törətməkdə şübhəli bilinən Saatlı rayon sakini, Nəcmin Ağayev saxlanılıb.
Istintaq araşdırması zamanı məlum olub ki, Nəcmin Ağayev əvvəllər məhkum olunub.
Faktla bağlı cinayət işi başlanıb.