Qusarda evləri qarət edən dəstə üzvləri tutuldu

Qusar rayonunda oğurluq edən mütəşəkkil dəstənin üzvləri həbs edilib.

Teleqraf.com xəbər verir ki, rayon ərazisindəki 3 evdən pul və qızıl əşyaları oğurlanması barədə Qusar rayon polis şöbəsinə məlumat daxil olub.

Polis əməkdaşlarının keçirdikləri əməliyyat tədbirləri nəticəsində oğurluğu törətməkdə şübhəli bilinən rayon sakinləri Marat Əlirzayev, Rəşad Tahirov, Seymur Seyidov, Fərrux Yarəliyev və Alim Balabəyov saxlanılıblar.

Ətraflarında aparılan əməliyyat tədbirləri ilə onların Yeni Həyat kəndində 3 evdən 200 ABŞ dolları, 3000 rubl və 2250 manat pul, habelə məişət əşyaları oğurlamaları da müəyyən edilib.

İstintaq müəyyən edib ki, Fərrux Yarəliyev və Alim Balabəyov əvvəllər məhkum olunublar.