Gənc qızı çılpaq fotoları ilə şantaj etdi... - Azərbaycanda şok olay

Şirvan şəhərində gənc qız çılpaq şəkilləri ilə şantaj olunub.

Teleqraf.com xəbər verir ki, Şirvan şəhər polis şöbəsinə müraciət edən qadın bir nəfərin onun qızını çılpaq şəkillərini sosial şəbəkədə yayacağı ilə hədələyib, 3000 manat tələb etdiyini bildirib.

Sentyabrın 15-də polis əməkdaşlarının keçirdikləri təxirəsalınmaz əməliyyat-axtarış tədbirləri nəticəsində həmin şəxs qadından qeyd olunan məbləği alarkən cinayət başında yaxalanıb.

Araşdırmalarla onun Şamaxı rayon sakini Hüseyn Sayılov olduğu müəyyən edilib.

Faktla əlaqədar Cinayət Məcəlləsinin 182-ci maddəsi (hədə-qorxu ilə tələb etmə) ilə cinayət işi başlanılıb.

Faktla bağlı araşdırma aparılır.