Mənzildən külli miqdarda pul oğurlandı

Bakının Xətai rayonunda mənzildən oğurluq edilib.

Bu barədə Teleqraf.com-a Xətai rayon Polis İdarəsindən məlumat verilib.

Məlumata görə, oğurluq hadisəsi Nobel prospekti 8, mənzil 1-dən baş verib. Bakı şəhər sakini Həsən Məmmədovun evindən 62 min manat və külli miqdarda qızıl əşyaları oğurlanıb. Ev sahibi oğurluq hadisəsinin baş verməsi ilə bağlı 37-ci polis bölməsinə şikayət edib.

Hazırda cinayəti törədən şəxs və ya şəxslərin müəyyən edilərək tutulması üçün tədbirlər görülür.

Faktla bağlı cinayət işi başlanıb.

Hacı Zeynalov