Sumqayıt parkında dostunu öldürənə hökm oxundu

Sumqayıtda xüsusi amansızlıqla adam öldürməkdə təqsirli bilinən 1987-ci il təvəllüdlü Xəyal Abbasovun cinayət işi üzrə məhkəmə prosesi başa çatıb.

Teleqraf.com xəbər verir ki, bu gün Bakı Ağır Cinayətlər Məhkəməsində hakim Cavid Hüseynovun sədrliyi ilə baş tutan prosesdə hökm oxunub.

Xəyal Abbasov 16 il müddətinə azadlıqdan məhrum edilib.

İttihama görə, bu il iyunun 8-də saat 8 radələrində Sumqayıt şəhəri 41-ci məhəllənin ərazisindəki parkda Neftçala rayon sakini Emil Nuriyevin üzərində zorakılıq əlamətləri olan meyiti tapılıb.

3-cü polis bölməsi əməkdaşlarının keçirdikləri əməliyyat-axtarış tədbirləri nəticəsində hadisəni münaqişə zəminində törətməkdə şübhəli bilinən şəhər sakini, əvvəllər məhkum olunmuş Xəyal Abbasov saxlanılıb.

Hər iki şəxs əvvəllər dost olublar.