Masallıda evdən pul və qızıl oğurlandı

Masallı rayonunda oğurluq hadisəsi baş verib.

Teleqraf.com xəbər verir ki, noyabrın 30-da rayon ərazisindəki evlərin birindən 2000 manat, 400 ABŞ dolları və 4000 manat dəyərində qızıl-zinət əşyaları oğurlanıb.

Masallı rayon polis şöbəsi əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Yeddioymaq kənd sakini, əvvəllər məhkum olunmuş Sadiq Zeynalov saxlanılıb.

Onun noyabrın 6-da həmkəndlisi Hacıbala Qənbərov və şəhər sakini, əvvəllər məhkum olunmuş Əziz Hüseynovla birgə rayon ərazisindəki inzibati binaların birindəki seyfdən 1200 manat oğurlaması da müəyyən edilib.

Davam etdirilən tədbirlərlə Hacıbala Qənbərov və Əziz Hüseynov da saxlanılıblar.

Faktla bağlı cinayət işi başlanıb.