Qəza zamanı dili kəsildi

Şəmkir sakininin avto qəza zamanı dili kəsilib. Hadisə rayonun Könüllü kəndi ərazisində baş verib.

Teleqraf.com xəbər verir ki, kənd sakini 53 yaşlı Teyyub Məmmədov QAZ 3110 markalı avtomobili ilə hərəkətdə olarkən idarə etməni itirib və fərdi yaşayış evinə çırpılıb. Zərbənin gücündən Teyyub Məmmədovun dili kəsilib. Yaralı Şəmkir rayon xəstəxanasına yerləşdirilsədə onun vəziyyəti ağır olduğundan o, Gəncə şəhər Təcili Tibbi Yardım Xəstəxanasına göndərilib. Reanimasiya şöbəsinə yerləşdirilən Teyyub Məmmədovun vəziyyətinin ağır olduğu bildirilir.

Faktla bağlı Şəmkir rayon polis şöbəsində araşdırma aparılır /Kəpəz TV/