Polis itkin düşən məktəbliləri tapdı

Bakının Xətai rayonunda itkin düşən məktəblilər tapılıb.

Bu barədə Teleqraf.com-a Bakı şəhər Baş Polis İdarəsindən məlumat verilib.

Məlumata görə, sentyabrın 29-da 2005-ci il təvəllüdlü Həsənova Aysu Daşdəmir qızı və onun yaxın qohumu 2005-ci il təvəllüdlü Bağırov İlqar Xalid oğlu təhsil aldıqları 64 saylı məktəbdən dərsdən çıxıblar və vaxtında evə qayıtmayıblar.

Bundan narahat olan valideynlər dərhal Xətai Rayon Polis İdarəsi 34-cü Polis Bölməsinə müraciət ediblər. Polisin keçirdiyi təxirəsalınmaz tədbirlər nəticəsində həmin gün saat 17 radələrində uşaqlar rayon ərazisində yerləşən Həzi Aslanov parkında oynayarkən tapılıblar. Polis uşaqları ailəsinə təhvil verib.

Hacı Zeynalov