Şirvanda əməliyyat: Həbs olunanlar var

Şirvan şəhərində narkotiklərlə bağlı bir neçə əməliyyat keçirilib.

Teleqraf.com xəbər verir ki, Şirvan şəhər polis şöbəsi əməkdaşlarının keçirdikləri əməliyyat tədbirləri nəticəsində Hacıqəhrəmanlı qəsəbə sakini, əvvəllər məhkum olunmuş Q.Şahbazov həbs edilib.

Onun evinin həyətindən kultivasiya yolu ilə yetişdirilmiş 21 ədəd çətənə kolu aşkarlanıb.

Polis şəhərin həmin qəsəbəsində daha bir əməliyyat keçirib. Əməliyyat tədbirləri nəticəsində Hacıqəhrəmanlı qəsəbə sakini Ramil Şahbazovun evinin həyətindən kultivasiya yolu ilə yetişdirilmiş 107 ədəd çətənə kolu və 1 kiloqram 615 qram marixuana aşkarlanaraq götürülüb.

Bundan başqa, Şirvan şəhər polis şöbəsi əməkdaşlarının keçirdikləri əməliyyat tədbirləri nəticəsində Hacıqəhrəmanlı qəsəbə sakini, əvvəllər məhkum olunmuş E.Məmmədov tutulub. Onun evinin həyətindən kultivasiya yolu ilə yetişdirilmiş 12 ədəd çətənə kolu aşkarlanıb.