Baş idarə əməliyyat keçirdi – Həbs olunanlar var

Baş Narkotiklərlə Mübarizə İdarəsi əməliyyat keçirib.

Teleqraf.com xəbər verir ki, idarə əməkdaşlarının daxil olmuş məlumat əsasında keçirdikləri əməliyyat tədbiri nəticəsində Bakı şəhər sakini Ş.Məlikov Nəsimi rayonu ərazisində saxlanılıb.

Şəxsi axtarış zamanı ondan 58 qramdan artıq heroin, 9 qrama yaxın metamfetamin və elektron tərəzi aşkar edilib.

Bundan başqa, Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində Masallı rayon sakini, əvvəllər məhkum olunmuş C.Cəfərov Xəzər rayonu ərazisində saxlanılıb.

Şəxsi axtarış zamanı ondan 10 qrama yaxın metamfetamin götürülüb.

Davam etdirilən tədbirlərlə onun Binə qəsəbəsindəki yaşadığı evə baxış zamanı əlavə 110 qram tiryək, 30 qram metamfetamin və elektron tərəzi aşkar edilib.

Daha bir əməliyyat Astara rayonunda keçirilib.

Baş Narkotiklərlə Mübarizə İdarəsinin Cənub Bölgəsində Regional Şöbəsi əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində Astara rayonu ərazisində Sim kəndinin dağlıq və meşəlik ərazisində kənd sakini, əvvəllər məhkum olunmuş Ş.Fətullayevin gizlətdiyi 5 kiloqram 385 qram heroin aşkar edilib.